ຣັດເຊຍ ກຽມປັບປຸງເຮືອດຳນ້ຳພ້ອມຕິດຕັ້ງລູກສອນໄຟທີ່ກ້າວໜ້າ
ໜັງສືພິມກອງທັບປະຊາຊົນຫວຽດນາມ ລາຍງານ, ໂດຍອີງຕາມສື່ມວນຊົນຣັດເຊຍລາຍງານວ່າ: ກອງທັບເຮືອຣັດເຊຍ ຫາກໍປະ
ກາດແຜນການສ້າງກຳປັ່ນດຳນ້ຳນິວເຄລຍໃຫ້ທັນສະໄໝພາຍໃຕ້ໂຄງການ 949A Antey. ເຮືອດຳນ້ຳນິວເຄລຍໂຄງການ 949A ມີ
ຄວາມຍາວ 155 ແມັດ, ມີນໍ້າໜັກເທິງໜ້ານໍ້າ 24.000 ໂຕນ, ດຳນ້ຳເລິກໄດ້ 600 ແມັດ ແລະ ຄວາມໄວໃຕ້ນ້ຳ 60 ກິໂລ ແມັດຕໍ່
ຊົ່ວໂມງ. ກຳປັ່ນລຳນີ້ມີທໍ່ຍິງຕໍປີໂດ 6 ເລົາ ແລະລູກສອນໄຟ 24 ລູກ, ສາມາດຍິງລູກສອນໄຟນຳວິຖີ Granit ດ້ວຍໄລຍະຫ່າງປະ
ມານ 500 ກິໂລແມັດ.
ອີງຕາມ ພົນເອກ ວິກເຕີ ລີນາ (Viktor Liina) ຜູ້ບັນຊາການ ກອງທັບເຮືອປາຊີຟິກຂອງຣັດເຊຍໃຫ້ຮູ້ວ່າ: ເຮືອດຳນ້ຳ 949A
Antey ຈະຖືກຕິດຕັ້ງລະບົບລູກສອນໄຟໃໝ່, ລວມທັງລູກສອນໄຟຂ້າມທະເລ ກາລິເບີ (Kalibr) ແລະ Oniks, ໂດຍສະເພາະ
ແມ່ນລູກສອນໄຟ ຄວາມໄວກວ່າສຽງ ເຊີຄອນ (Zircon hypersonic). ສຳຫຼັບ Kalibr ແມ່ນລູກສອນໄຟອະເນກປະສົງທີ່ພັດທະ
ນາ ແລະ ເປີດຕົວຄັ້ງທຳອິດໃນງານວາງສະແດງພາຫະນະທາງທະຫານເມື່ອປີ 1990. Kalibr ສາມາດທຳລາຍເປົ້າໝາຍຫຼາຍປະເພດ
ຢູ່ໃນອາກາດ, ທາງບົກ ແລະ ທະເລ. ເຮືອດຳນ້ຳ 949A Antey ຈະໄດ້ຕິດຕັ້ງລະບົບລູກສອນໄຟໃໝ່ຕື່ມອີກຄື: Yandex ດ້ວຍ
ຄວາມຍາວ 6,2-8,9 ແມັດ, ມີເສັ້ນຜ່າສູນກາງ 53,3 ຊມ, ໄລຍະຍິງ 1.500 ກິ ໂລແມັດ ຫາ 2.500 ກິໂລແມັດ ຂຶ້ນກັບຊະນິດ,
ຄວາມສາມາດໃນການບັນທຸກຫົວຮົບທີ່ມີແຮງແຕກປະມານ 400-500 ກິໂລ, ລູກສອນໄຟນີ້, ບິນດ້ວຍຄວາມໄວ 3.700 ກິໂລແມັດ
ຕໍ່ຊົ່ວໂມງ, Kalibr ຖືກຈັດເຂົ້າໃນກຸ່ມອາວຸດຕົ້ນຕໍຂອງຣັດເຊຍ.
ຂະນະດຽວກັນ, ລູກສອນໄຟ Oniks ກໍສາມາດບິນໄດ້ດ້ວຍຄວາມໄວກວ່າ 3.000 ກິໂລແມັດຕໍ່ຊົ່ວໂມງ ແລະ ມັນສາມາດບິນຢູ່
ເໜືອໜ້ານ້ຳພຽງ 10-15 ແມັດ, ເຮັດໃຫ້ລະບົບປ້ອງກັນທາງອາ ກາດສາມາດກວດພົບແລະຍິງສະກັດໄດ້ຍາກ. ໂຄງການ 949A Antey
ຈະຕິດຕັ້ງລູກສອນໄຟ Zircon, ດ້ວຍຄວາມຍາວປະມານ 9 ແມັດ ແລະ ເສັ້ນຜ່າກາງ 60 ຊມ. Zircon ສາມາດບັນຈຸຫົວລະເບີດ ຫຼື
ນິວເຄລຍໄດ້ດ້ວຍລະດັບຄວາມໄວສູງສຸດເຖິງ 11.000 ກິໂລແມັດຕໍ່ຊົ່ວໂມງ. ມີປະສິດທິຜົນໃນການທຳລາຍລະບົບປ້ອງກັນຂອງສັດຕູໄດ້
ເປັນບໍລິເວນກວ້າງ ດ້ວຍຄວາມແມ່ນຢຳສູງ. ນອກຈາກນັ້ນ, ຄວາມໄວຂອງ Zircon ສາມາດດູດເອົາຄື້ນວິ ທະຍຸ ແລະ ຫຼີກເວັ້ນລະບົບ ຣາ
ດາ ຂອງສັດຕູໄດ້ແບບບໍ່ເສຍລັບ.
ແຫຼ່ງທີ່ມາ: ໜັງສືພິມກອງທັບ
ວັນທີ 23/01/2024